Անհրաժեշտ է միայն թերթել գիրքը, և նա ինքը քեզ կբացի իր գաղտնիքները:
Կթերթես գիրքը, և քո առջև կբացվեն բազմազան պատմություններ, զարմանահրաշ աշխարհներ, կներկայացնեն քեզ իրեց ճիշտն ու սխալը, քեզ կդարձնեն իրենց դատավոր, կթվա՝ արդեն բացահայտեցիր գրքերի էությունը, բովանդակությունը, բայց էլի գրքերի աշխարհը կմնա անսահման ու անվերջ: Թերևս այդպիսի գիտակցումով է, որ ՀՀ ԿԳՆ «Գյումրու N3 ավագ դպրոցի» VIII դասարանի աշակերտ Լևոն Բաղդասարյանը և նրա ընտանիքը դպրոցին նվիրաբերեցին 70 անուն գեղարվեստական գիրք, հարստացնելով դպրոցի գրադարանը: Դպրոցի տնօրեն Գոհար Ալեքսանյանը իր շնորհակալությունը հայտնեց Լևոնին և նրա ընտանիքին գրքերի նվիրատվության համար, հույս հայտնելով, որ այն կծառայի աշակերտների գիտելիքների հարստացմանը, նրանց արժեքային համակարգի ձևավորմանը: Դպրոցի տնօրինությունը Անկախության օրվան ընդառաջ Լևոնին պարգևատրեց նաև խրախուսական գովեստագրով:
Комментариев нет:
Отправить комментарий