ԱՇԱԿԵՐՏԱԿԱՆ ԽՈՐՀՐԴԻ ՆԱԽԱԳԱՀԻ ԸՆՏՐՈՒԹՅՈՒՆՆԵՐ

2013 թվականի սեպտեմբերի 3-ին «Գյումրու N3 ավագ դպրոց» ՊՈԱԿ-ում դպրոցի տնօրեն ՝ Գ. Ալեքսանյանի կողմից հրավիրվեց սովորողների առաջին ընդհանուր ժողով, որին մասնակցեցին հաստատության թվով 70 պատվիրակներ: Հաստատության սովորողների առաջին ընդհանուր ժողովը որոշեց 

• հաստատել հաստատության սովորողների ինքնավարության գործադիր մարմնի՝ աշակերտական խորհրդի կանոնադրությունը
• հաստատել սովորողների ինքնավարության գործադիր մարմնի՝ աշակերտական խորհրդի թվակազմը յուրաքանչյուր դասարանից / 7ից- 12-րդ / երկու ներկայացուցիչ սկզբունքով
• հաստատել սովորողների ինքնավարության գործադիր մարմնի՝ աշակերտական խորհրդի ձևավորման աշխատանքները համակարգող աշխատանքային խմբի՝ ընտրական հանձնախմբի թվակազմը յուրաքանչյուր դասարանից / 7ից - 12-րդ / մեկ ներկայացուցիչ սկզբունքով
• ի գիտություն ընդունել հաստատության տնօրենի ներկայացրած ուսումնադաստիարակչական գործընթացի վերաբերյալ ամենամյա ծրագրային ուղերձն ուղղված հաստատության աշակերտությանը
• հանձնարարել աշակերտական խորհրդի նախագահին ուսումնական տարվա ընթացիկ ծրագրերում և պլաններում, անցկացվող բազմաբնույթ միջոցառումների կազմակերպման ընթացքում, առաջնորդվել ներկայացված ուղերձի ուղենիշներով:

2013 թվականի սեպտեմբերի 24-ին «Գյումրու N3 ավագ դպրոց» ՊՈԱԿ-ում անցկացվեցին աշակերտական խորհրդի նախագահի ընտրություններ: Ներկայացվեց աշակերտական խորհրդի նախագահի լիազորությունները: Աշակերտական խորհրդի նախագահի ընտրություններ կազմակերպելու նպատակով՝ սովորողների ինքնավարության ընտրական հանձնախումբը սեպտեմբերի 23-ին, որպես աշակերտական խորհրդի նախագահի թեկնածուներ էր գրանցել խորհրդի անդամներից տնտեսագիտական X դասարանի աշակերտ Հովհաննիսյան Հովհաննեսին, հումանիտար 2-XI դասարանի աշակերտուհի Զաքարյան Օֆելյային, բնագիտամաթեմատիկական 2-XI դասարանի աշակերտուհի Գասպարյան Անիին: Առաջադրված թեկնածուները ներկայացրեցին իրենց նախընտրական ծրագրերը:

Ուսումնական հաստատության աշակերտական խորհրդի նախագահի 2013թ.-ի սեպտեմբերի 24-ին կայացած ընտրություններն ամփոփելուց հետո, ստացված արդյունքների հիման վրա, մեկ ուսումնական տարի լիազորությունների ժամկետով աշակերտական խորհրդի նախագահ է ընտրվել՝ Հովհաննես Նորիկի Հովհաննիսյանը: