2014թ-ի փետրվարի 15-ին ՀՀ ԿԳՆ «Գյումրու No 3 ավագ դպրոց» ՊՈԱԿ-ում տեղի ունեցավ հայոց լեզվի և գրականության ուսուցչուհի Գոհար Բեգլարյանի դաս-միջոցառումը՝ նվիրված հայ գրականության լուսատու աստղ, անզուգական փիլիսոփա-բանաստեղծ, սիրո նուրբ ներշնչանքի երգիչ Պարույր Սևակի ծննդյան 90-ամյակին: Ունկնդիրները մեկ րոպե լռությամբ հարգեցին մեծ բանաստեղծի հիշատակը՝ շշնջալով
Ողբա՜մ մեռելոց…
Բեկանե՛մ շանթեր…
Կոչե՛մ ապրողաց…
Միջոցառումը սկսվեց «Երևան դարձած իմ Էրեբունի» երգով, որի ներքո սլայդ շոուի միջոցով ներկայացվեց Պ. Սևակի ամբողջ կյանքը: Լսվեց Պարույր Սևակի ասմունքը՝ «Ապրել, ապրել»: Ներկաները ունկնդրեցին Հայկ Բլբուլյանի, Սիլվա Յուզբաշյանի, Ա. Ութմազյանի ասմունքը և անկրկնելի Ֆլորա Մարտիրոսյանի «Դլե յամանը»: 11-րդ բնագիտամաթեմատիկական 2 դասարանի աշակերտ Վահե Մարգարյանը կատարեց Կոմիտասի երգերից: Վերջում ունկնդիրներն արտահայտեցին իրենց գոհունակությունը բարձրարվեստ միջոցառման մասին նաև գեղագիտական ճաշակ և հաճելի րոպեներ պարգևելու համար:
Комментариев нет:
Отправить комментарий