Խոսի՜ր ՄԻԱՎ-ի մասին, հետազոտվի՜ր ՄԻԱՎ-ի վերաբերյալ

2014 թվականի նոյեմբերի 26-ին «Գյումրու Nօ 3ավագ դպրոց» ՊՈԱԿ-ում կազմակերպվեց «Խոսի՜ր ՄԻԱՎ-ի մասին, հետազոտվի՜ր ՄԻԱՎ-ի վերաբերյալ» թեմայով սեմինար - պարապմունք, որն անցկացրեցին Հայաստանի երիտասարդական հիմնադրամի անդամները: Սեմինար պարապմունքին մասնակցեցին դպրոցի կենսաքիմիա հոսքի X, XI, XII-րդ և տնտեսագիտական X-րդ դասարանների աշակերտները: Աշակերտներին ցուցադրվեց տեսանյութ, ներկայացվեց, թե ի՞նչ է իրենից ներկայացնում ՄԻԱՎ-ը, ի՞նչ ՁԻԱՀ-ն, հիվանդության շրջանները, փոխանցման ճանապարհները, ինչո՞ւ է անհրաժեշտ հետազոտվել, որտեղ կարելի է անցնել հետազոտություն: Աշակերտներին բաժանվեցին նաև բուկլետներ: