Սույն թվականի դեկտեմբերի 10-ից Գյումրու N3 ավագ դպրոց ՊՈԱԿ-ի դասարանական աշակերտական խորհուրդները, դպրոցի աշակերտական խորհուրդը սկսեցին պատրաստվել դպրոցի և դասարանների ամանորյա ձևավորմանը: Դասերից հետո դպրոցում աշխույժ աշխատանքային եռուզեռ էր: Աշակերտներն զարդարում էին իրենց դասարանները, իսկ դպրոցի աշակերտական խորհրդի անդամները զարդարեցին դպրոցի եղևնին ու միջանցքները: Հայտարարված էր նաև ձեռքի աշխատանքների մրցույթ, որին աշակերտներն ակտիվորեն արձագանքեցին և այդ աշխատանքներով էլ զարդարեցին իրենց սիրելի կրթօջախը: Դպրոցի տնօրինությունը, որը մշտապես խրախուսում է աշակերտների նախաձեռնությունները, այս անգամ էլ ոգևորեց նրանց հանձնելով գովեստագրեր:
Комментариев нет:
Отправить комментарий