Փետրվարի 21-ը Մայրենիի օրն է, որին էր նվիրված Գյումրու N3 ավագ դպրոցի աշակերտական խորհրդի նախաձեռնությունը, դպրոցի դասարանական խորհուրդների միջոցով պատրաստել պատի պաստառներ, հորդորել խոսելու միայն գրական հայերենով և գրքեր նվիրել միմյանց: Այդ օրը կազմակերպվեց նաև ֆիլմաշարի դիտում, ուր պատմվում էր Հայաստանի և հայ ժողովրդի ծագման, նրա պատմության, լեզվի, մշակույթի, համաշխարհային քաղաքակրթության վրա թողած հետքի և ազդեցության մասին: Ֆիլմաշարում զետեղված էին պատմական փաստեր, գիտական ենթադրություններ և մեկնաբանություններ, ուր իրենց մասնակցությունն էին բերել մի շարք հեղինակավոր պատմաբաններ, գիտնականներ, հայագետներ, մշակութաբաններ, և այլ մտավորականներ: Սիրելի կրթօջախում ևս մեկ օր աշակերտները հարստացան իրենց երկրի մասին գիտելիքներով:
Комментариев нет:
Отправить комментарий